22 February 2017

Leviz Këshilltar:reagimi per Projektin e unazës ne zonen historike te Gjirokastres

Projekti i unazës ne zonen historike te Gjirokastres

Projekti i ri i i unazës në zonën muzeale të Gjirokastrës, është një skandal më vete. I ashtuquajtur “projekti i By Pass-it”, nga sa është bërë i njohur është padyshim një nga ndërhyrjet më të dhunshme që mund të bëhet në zonën e mbrojtur historike. Projekti është një segment rruge që nis nga Sheshi i ish-agjensisë së udhëtarëve dhe përfundon në ndënkala, projekt që është kundërshtuar, jo vetëm nga banorët e lagjes Pazari i Vjetër që u rrezikon banesat 300 vjeçare, por edhe nga vetë bashkia dhe mbarë opinion qytetar në Gjirokastër. Me anë të një peticion të nënshkruar nga qindra banorë dërguar Ministrisë së Kulturës, Kryeministrisë, Bashkisë dhe IMK, ky projekt ogurzi kundërshton ndërtimin pasi rrezikon seriozisht banesat, peizazhin, themelet e kështjellës së qytetit, paralizon të gjithë lëvizjen vertikale dhe nuk realizon asnjë nga qëllimet për të cilat pretendojnë hartuesit e tij. Për të kundërshtuar projektin e unazës njëpërfaqësi e komunitetit të banorëve, paraqitën kundërshimet e tyre në mbledhjen e Këshillit Bashkiak, ku kanë shprehur haptazi, argumentat e tyre. Vasillaq Karanxha në emër të nënshkruesve, ka renditur arsyet pse projekti i ndërtimit të By Pass-it, project i paprezantuar sipas ligjit para opinionit publik shkatërron pejsazhin dhe rrezikon dëmtimin e vlerave egzistuese të trashëgimisë kulturore. Edhe shumë nga këshilltarët kanë kërkuar pezullimin e realizimit tëkëtij projekti që nuk sjell asnjë impakt, veçse sjell betonizimin e mëtejshëm në zonën muzeale. Qytetarët vazhdojnë të shkallëzojnë protestën e tyre duke depozituar padi në gjykatë, ndërkohë që kanë bllokuar me anë të kësaj padie zbatimin e projektit të unazës së qendrës historike për momentin. Nje grup intelektualesh, profesionistesh e aktivistësh të Forumit për Mbrojtjen e Gjirokastrës me në krye intelektualin e njohur gjirokastrit Agim Mero,përtej Gjirokastres kane derguar peticion autoriteteve shtetërore dhe institucioneve nderkombetare

No comments:

Post a Comment