07 July 2016

Rikthehet marijuana edhe ne Lazarat


Policia tha sot se zbuloi një vatër të mbjellë me narkotikë në fshatin Lazarat të Gjirokastrës dhe arrestoi një 40 vjeçar. Operacioni erdhi dy vjet pas një ndërhyrje në shkallë të gjerë në këtë fshat të njohur për kultivimin e marijuanës. Rikthimi i kultivimit  në Lazarat vjen në një kohë kur në shumë rajone të vendit është përhapur gjerësisht mbjellja e marijuanës. Plantacionet me marijuanë janë mbjellë në zona malore dhe lugina me mundësi ujitjeje dhe kjo dëshmohet gjatë operacioneve të përditshme të forcave policore. Vetëm në zonën e Memaliajt ,Këlcyrës dhe Gjirokastrës policia ka raportuar shkatërrime plantacionesh me dhjetëra mijëra bimë narkotike. Pak ditë më parë kultivimi i lëndës narkotike  u shënua edhe në zonën kufitare greke afër Shqipërisë ku policia e Janinës shkatërroi mbi 3000m bimë narkotike. Dyshimet policore greke ishin se lënda narkotike ishte kultivuar nga trafikantët shqiptarë.

No comments:

Post a Comment