Kakavije , Sekuestrohen 7 kg marijuane

Shërbimet e Policisë Kufitare Kakavije në bashkëpunim me Specialistët e Seksionit Kundër Lëndëve Narkotike në Drejtorinë Vendore të Policisë Gjirokastër bënë kapjen dhe arrestimin në  flagrancë  të shtetasit : B.Harrunaj, 26 vjeç, banues në Mallakastër . Në kuadër të planit  të masave për goditjen e "Trafikimit të lëndëve narkotike", shërbimet e Policisë  Kufitare Kakavije që kryejnë shërbim në vijën e gjelbër evidentuan  dhe goditen  një rast të trafikut të lëndëve narkotike dhe konkretisht : Në  kufirin jeshil, në Piramidën nr. 28,   është kapur shtetasi Blerim Harrunaj me një çantë të zezë, në të cilën kishte 7 pako të mbështjella me natriban ku brenda të tyre kishte lëndë të dyshuar narkotike, me peshë totale 7 kg.