24 June 2016

Ateliete e Femijeve ne Gjirokaster


CHWB Albania
15 fëmijë të moshës 5-6 vjeçare zhvilluan një tjetër atelie të trashëgimisë në qytetin e Gjirokastrës. Për rreth 1 orë të vegjëlit vizituan hamamin e qytetit të gurtë, burimet përreth tij dhe më pas ngjyrosën libërthin e hamamit, pjesë e koleksionin "E Ka Kush e Ka", publikim i CHwB Albania. Kjo seri libërthash synon të njohë të vegjëlit e sotëm/ të rriturit e së nesërmes me vlerat e trashëgimisë kulturore kombëtare. Aktiviteti u organizua nga CHwB Albania në bashkëpunim me Qendrën Kulturore të Fëmijëve 'Fato Berberi'

***
Në lulishten e Shtëpisë Babameto, 26 fëmijë, 9 gjyshër dhe ekipi i CHwB Albania zhvilluan një atelie të trashëgimisë kulturore. Ata punuan me modelin prej letre të Shtëpisë Babameto, pjesë e Koleksionit të libërthave "E Ka Kush e Ka". Me plotësimin e modelit tek fëmijët rritej dëshira dhe interesi për të vizituar këtë shtëpi të mrekullueshmë gjirokastrite.

Për Nikon 9 vjeçar atelieja ishte krejt ndryshe. “Mua me pëlqeu shumë aktiviteti pasi e ndërtuam shtëpinë prej letre, pamë atë të vërtetën prej guri”.
Kurse gjysh Pandeli Çekani, 77 vjeçar, e shijoi me mbesën e tij atelienë. “Ishte një aktivitet shumë edukues që zhvillon anën e të menduarit si për fëmijët, si për ne që i ndihmuam. Më pëlqen ideja që fëmijët të njohin trashëgiminë dhe ne gjyshërit mund dhe duhet t’u japim informacion atyre për shtëpitë e vjetra të Gjirokastrës"

No comments:

Post a Comment